韓國男神宋仲基早前宣佈跟神劇《太陽的後裔》拍檔宋慧喬將於下月31日結婚，二人公開婚訊後就未有齊齊公開露面，不過今日就有網民影到二人坐飛機去美國洛杉磯，未知係唔係去影婚照呢？

照片中，見到雙宋齊齊現身機艙內，二人都未有戴上口罩或黑超遮樣，非常大方。另外，有網民指喬妹於機場內戴嘅帽跟宋仲基於飛機上戴嘅係同款，未知二人係share帽嚟戴定係有情侶帽呢？