現年27歲嘅韓國女星朴信惠本年初拍完新片韓版《全民目擊》（《沉默的目擊者》）後就未有接拍新作，唔少粉絲都表示好掛住佢。而朴信惠前日進行直播時，透露好快就會跟大家見面。

朴信惠於直播中表示：「大家有冇發現我啲頭髮長咗好多？去年拍攝《沉默的目擊者》時將頭髮剪短咗好多，時間過得好快，一年咁快就過去啦，頭髮都長咗好多。電影《沉默的目擊者》將於本月底、下月初進行製作發佈會，希望大家多多支持。」久未拍劇嘅朴信惠又透露：「明年會攜更好嘅電視劇作品見大家，希望大家多多期待。」

另外，朴信惠於Instagram公開新自拍，透露正為代言品牌拍攝冬裝。