地產多聲道：畢加索名畫蒞臨國金中心
蘋果日報 2004/09/28 00:00
法國國寶畢加索名畫「巡遊舞劇帷幕」，下月十四日至月底，空降全港最高最大型國際金融中心商場公開展覽。法國總統當日重會出席開幕禮。
新地伍步昂話，呢件係無價國寶，由於法國領使出面，巴黎龐比度中心至肯借出，展覽活動未計保險費已高達一千萬，國金管理公司，會安排每隊二三十人嘅保安隊，二十四小時看守呢幅名畫，以策安全。
佢重話，幅畫有生命，好似人咁要休息，所以展覽時間限於朝十一晚七。
另外，原來特區政府都有借來啲法國名畫，明年在港展出。
價值千六萬浴室
山頂歌賦山道二十八號豪宅，噚日開放逾八千呎嘅示範單位，獨佔頂樓全層嘅套房，內有七百五十六呎嘅浴室，面積大過間房，唔單止夠大，計落重好貴㖭，以間屋嘅呎價計，呢個浴室值千六萬。
新地伍步昂話，呢件係無價國寶，由於法國領使出面，巴黎龐比度中心至肯借出，展覽活動未計保險費已高達一千萬，國金管理公司，會安排每隊二三十人嘅保安隊，二十四小時看守呢幅名畫，以策安全。
佢重話，幅畫有生命，好似人咁要休息，所以展覽時間限於朝十一晚七。
另外，原來特區政府都有借來啲法國名畫，明年在港展出。
山頂歌賦山道二十八號豪宅，噚日開放逾八千呎嘅示範單位，獨佔頂樓全層嘅套房，內有七百五十六呎嘅浴室，面積大過間房，唔單止夠大，計落重好貴㖭，以間屋嘅呎價計，呢個浴室值千六萬。
屋苑特色單位，近年興改番個名以顯身價，新地荃灣爵悅庭都唔例外，四個頂層複式命名為「爵悅皇庭」，乃係美聯早前搞命名比賽嘅冠軍作品，得主有五千蚊獎金。
新地周國賢話，原本內部已經改做「爵悅皇廷」，咁啱同美聯嘅得獎作品讀音相同，之後考慮過，覺得「庭」字較「廷」感覺較溫馨，最後決定採納美聯嘅冠軍作品，反而棄用自己嗰個。
加息周期展開，供樓支出趨增，但仍有唔少租轉買個案，利嘉閣周德龍話，沙田第一城一座低層E租客，剛以百七萬買入同座中層E，五百四十呎，每呎三千一，高市價五巴仙。
佢轉租為買，係因為「供平過租」，佢畀開七千五蚊租，現以七成按揭，最優惠利率減二厘六，二十年還款計，月供唔使六千四。就算再加啲息，仍然有着數。
西貢市中心萬年街一帶，黑社會霸佔咪表車位，非法代客泊車，一直令警方頭痛，最近警方諗到條橋，建議將萬年街同部份市場街路段，喺泊車高峯期間，即禮拜一至五下晝六點至凌晨十二點，周六日同公眾假期朝十二晚十二，封咗佢唔畀泊車，變做行人專用區，嗰度食肆重或者可以搞露天茶座。
警方話，萬年街嘅食肆冇反對，政府其他部門冇意見，而旅遊事務專員話，可改善海旁一帶環境，同促進呢區旅遊業。但有啲區議員認為，西貢車路已少，咁做可能令嗰度重塞車。蘭西就關心對舖位租售價嘅影響多啲。
蘭西
電郵地址：
山頂歌賦山道二十八號豪宅示範單位內有七百五十六呎浴室。
「爵悅皇庭」取代發展商原有命稱，周國賢（左）親自頒獎畀得獎者。
萬年街非法代客泊車，搞到警方好頭痛。