霍震霆、林建岳、賭王何鴻燊兒子何猷君等，噚晚到灣仔會展出席曼聯慈善夜晚宴，返香港放暑假嘅何猷君（四房梁安琪位公子、17歲嘅「數學天才」）話鍾意菲爾鍾斯同拿尼兩位球星。

講番自己，何猷君已經中學畢業，想唔想幫家人打理生意？佢話： 「媽咪話唔使幫手住，我計劃入大學修經濟，如果有機會幫爹哋梗係好。」 咁想入邊間大學？何猷君話： 「唔係入牛津，係入劍橋，不過遲啲先再決定，仲有間麻省大學諗緊。」 媽咪有冇畀意見？佢話： 「兩間都係頂尖大學，入到係榮幸，爹哋就傳統啲，想我喺英國讀。」 何猷君嘅女朋友都喺英國讀書，不過佢話唔會因為咁樣而專登揀英國嘅大學。

此外，周秀娜同曼聯球星里奧費迪南由喺網上結緣，到0依家合作搞生意，問擔任表演嘉賓嘅官恩娜(Ella)會唔會效法？佢話： 「我唔係娜姐，我係娜娜咋。」


【動主播召喚敢你就來】
動漫電玩節即場試鏡，有片睇↓↓
http://hk.apple.nextmedia.com/livestream/channel/dvlive/

【動主播召喚】立即報名： http://anchor.nextmedia.com