陳淑芬忙於籌備下月1日為悼念哥哥張國榮（Leslie）而舉行的紅館慈善音樂會，昨日她接受港台節目訪問。提到哥哥離開當天，曾致電陳淑芬，陳淑芬憶述說：「嗰日佢約咗我飲茶，我哋有keep住講電話，去到又見唔到佢。跟住佢再畀電話我，約喺酒店門口出面嗰度話嚟pickup我，跟住就咁。」陳淑芬雖不明白他為何要輕生，但認為這也是一種解脫，她說：「到𠵱家我都唔捨得佢，如果嗰日傾偈，傾得好啲件事可能唔會發生。」

此外，提到早前沈殿霞追思會發生的小插曲，陳淑芬稱能理解鄧光榮的舉動，她說：「當時有少少突然，佢都冇喺第二啲場合見到鄭少秋。佢講嘅說話我可以理解，佢真係好錫肥姐。」陳淑芬又認為秋官當日到場已算有情有義。
撰文：林妃