曼聯名宿傑斯開嘅餐廳因為廚房太污糟、食物過期、員工又成日唔洗手，問題多多而畀衛生督察傳召。

傑斯幾年前同兩位合伙人開嘅餐廳George’s restaurant，上個月有衛生督察突擊檢查發現餐廳好多衛生問題，英國食品標準管理局評分最高5分但傑斯嘅餐廳只係得2分，餐廳東主結果畀衛生部門傳召。

英國太陽報報道，衛生官員以書面通知餐廳老闆，話「檢查期間發現餐廳環境未達到經營餐飲業嘅標準，需要作出改善，歡迎去佢哋辦公室傾吓搵到嘅問題」。

報告話主廚將煮好嘅食物放喺原材料準備區、整好嘅蛋糕冇蓋冚住，雪櫃入面有冇標明日期嘅食物，廚房入面亦搵到過咗嘅crème fraîche。佢哋所見，員工冇定時洗手、垃圾桶滿瀉，地面、牆身、鋅盆同爐頭全部好污糟。衛生部門官員話會喺一個月之內再去檢查餐廳環境有冇改善。

傑斯呢間餐廳開喺沙爾福特，呢個區域得6%食肆係得2分，不過今次已經係傑斯間餐廳第二次畀衛生幫批評，2016年12月佢哋亦因為衛生督察巡查嘅時候擔心清潔同食物溫度控制等問題而被評得2分。

--------------------
荷蘭橙衫軍大舉進駐BFB CHAMPIONS 2.0！荷蘭球星機率 7 倍UP！立即下載 http://bit.ly/2xrTKGM
--------------------
《體蘋果》陪你睇波講波
https://www.fb.com/appledailysports