周海媚（海味）今日應陶大宇之邀，擔任有線《我愛煮食男》嘉賓，海味表示0依家成立咗工作室，佢話有機會都想搵大宇合作。

講到海味曾喺亞視劇《縱橫四海》續集，飾演大宇母親，問佢介唔介意？佢話：「我介意就唔會接啦，冇乜介意，係個挑戰。」佢又話再合作的話，演乜嘢角色都唔會介意。

講到《武則天》喺香港播映反應唔錯，佢話聽到大家講，但唔太知，不過呢個版本比起大頭版會靚啲。海味話0依家香港、內地兩邊飛，因為屋企人喺香港，有時會返嚟見下佢哋，行下街。提到其感情生活，海味即話感情事唔講，講得太多。