前特首曾蔭權接受天主教慈善機構「生命恩泉」訪問，分享監獄嘅日子感受，機構最近上載咗訪問嘅下半集。煲呔話，喺獄中因為信仰嘅關係，日常生活改變咗好多，例如笑容多咗，對每個人都會從好嘅角度嚟睇佢，相比以前成日都會用懷疑角度睇事物，真係唔同咗：「自己做咗公務幾十年，對每件事都有懷疑心理，有正面、有負面，特別係事件對公眾利益係點，（以前）對每一件事會以複雜、世界量度嘅標準去睇問題，係好理性，係好邏輯性，但我發現呢樣嘢喺心靈上唔係好行得通。」

煲呔又話，太太同家人探監時都好擔心自己，由於自己已知道痛苦嘅意義，有時係佢倒過來安慰返屋企人，話畀佢哋聽自己冇事、好安寧，唔會走去末路，亦都唔會沉迷恐懼、憤怒、報復嘅心理。對於曾太鮑笑薇，煲呔好sweet咁話，自己愛太太嘅程度，時間越耐就越深：「我相信我哋會好長久。」

煲呔明白自己受苦的情況不及家人，包括太太、兩個兒子同兄弟姊妹，「佢哋嘅痛苦無法以筆墨形容。」。佢話喺經歷痛苦時，會諗起耶穌享用最後晚餐時到釘十字架嗰一段路，但最終令到人類得到永生，又話逆境、順境係生活嘅節奏，叫大家唔好每件事都用消極態度去諗。

-----------------------------
【武漢肺炎】專頁
全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》讀果 上架