獲YG事務所力捧嘅韓國新人男團iKON，出道約4個月人氣已經唔講得笑，上年10月小試牛刀於首爾奧林匹克公園體操競技場開騷，粉絲反應超好。今個月30同31日，七名成員再次殺入同一場地舉行演唱會，2場合共2萬張門票於公開發售只係短短10分鐘已經賣晒，號召力驚人。iKON咁受歡迎，唔知本月15日於首爾舉行嘅騷前熱身簽名會，場面會有幾墟冚呢？