【新增內容】

今日大陸女星范冰冰有喜事宣佈，因為男友李晨喺范冰冰生日正日求婚，求婚現場悉心佈置，一片粉色、又花海又貓貓蛋糕，真係雙喜臨門。

而喺啱啱呢對準新人就一齊出席喺內蒙古舉行嘅金雞獎，但呢對準新人到內蒙時，就遇到一啲小插曲，就係佢哋遇上航班嘅延誤，令到佢哋兩個趕唔切，一齊好恩愛咁行紅地毯。當初大會都擔心佢哋因為航班延誤而未能出席頒獎典禮，但好好彩，佢哋最後都趕得切出席頒獎禮。而李晨就拖住未婚妻范爺，趕到會場，范爺以一襲白色西裝，襯番穿上黑色禮服嘅李晨，真係最合襯嘅「黑白配」。

范冰冰今屆憑電影《我不是潘金蓮》有份角逐最佳女主角，男友李晨未獲提名，不過大會都好識做，似乎有意於求婚成功後，安排兩人同坐。最終范冰冰成功榮登金雞獎影后，而男友李晨就起身同冰冰有個深情擁抱，冰冰喺台上講得獎感受時話：「今日真的是特別好的日子，9月16日是金雞獎的頒獎晚會，也是我的生日，一生都會銘記的生日禮物。」除咗多謝父母同電影嘅工作人員，冰冰仲以電影《萬物生長》對白特別多謝一個人：「我不要天上的星星，我只要塵世的幸福。感謝我的李先生，今天可以有空來過這難忘的生日，我很幸福。」然後李晨再上台抱抱冰冰。