今年可以話係大陸影視圈嘅寒冬，稅加到42%（新聞連結： https://bit.ly/2M2yRfY ），藝人拍劇酬金總收不得超過5,000萬人民幣（新聞連結： https://bit.ly/2MF8KZy ），網絡平台買劇、電影版權費都大幅下降，大陸官方同時有斥責流量、收視造假來瞞騙觀眾。今日愛奇藝就宣佈關閉顯示前台播放量，即係唔再公佈每日點擊量到底有幾高，咁優酷同騰訊視頻會唔會跟，暫時兩大平台仲未肯表態。

以前廣告商同海外買家都係睇點擊量去落廣告，藝人就買熱搜流量榜，保持人氣，種種造假，根本反映唔到真實狀況。為咗杜絕呢種唔健康狀態，噚日愛奇藝喺微博發聲明，宣佈告別唯流量時代。之後改為綜合用戶討論量、互動量、多維度播放類指標嘅內容熱度，代替原有嘅播放流量顯示。

一位資深製作人同《蘋果》講，其實網絡平台為吸引廣告經常做假點擊流量，到頭來就益咗呢啲做假流量嘅公司，佢相信優酷同騰訊應該會效法愛奇藝唔再公佈流量數據，咁大家做得唔會咁大壓力，慳番一大筆錢去買假流量數據。

TVB嘅劇集《再創世紀》日前在喺內地視CCTV8及愛奇藝率先播出，收視率只有0.379，收視排行榜十大不入（新聞連結： https://bit.ly/2MM58sW ），似乎喺大陸，無綫嘅古裝劇較容易俾觀眾受落。

精選韓流，喺晒《娛果》
http://fb.com/appledailyent