內地官場人事變動，不時會有骨牌效應，連經濟層面亦有影響，噚日《上海證券報》報道，話從相關部門證實，中國銀監會副主席唐雙寧，好快會接替王明權出掌光大集團董事長，任務係要進行重組同協助光大銀行上市。而內地《第一財經日報》收到光大銀行內部消息，指唐雙寧禮拜三已同光大銀行管理層見面。
喺1954年出世嘅唐雙寧，係經濟學碩士，82年喺建設銀行遼寧省分行做系統工作，89年進入央行，做過央行信貸管理司司長、貨幣金銀局局長同央行銀行監管一司司長，到03年升為銀監會副主席，夠晒資格去光大搞重組啦。光大集團子公司光大控股股價由4月開始反覆飆升，近兩個月喺高位徘徊；噚日股價大升5.26%，睇嚟遲啲仲有排炒。
[email protected]