當年今日
關於我們

咬蘋果:頭輪好戲
呢位阿嫂唔合格!

蘋果日報 2005/08/04 08:00


故事講乜

18年前全港最大社團話事人百德(曾志偉飾)的手下阿九(廖啟智飾)殺死兄弟,遺孀洛華(林嘉欣飾)替夫報仇,阿九臨終前把女兒菲比(劉心悠飾)交託百德,菲比長大後百德遭暗殺身亡,社團群龍無首被推舉為新阿嫂,洛華遂先下手為強派殺手追殺菲比。然菲比品性善良,為阻止社團兄弟大風(黃秋生飾)與辰哥(任達華飾)自相殘殺,飛身擋車都制,與洛華狠毒作風大相逕庭!但勢估唔到現實的她同樣單純,斷估拍咗《阿嫂》幾個月,一兩個黑社會術語都識啩?點知……

演技OK

今次劉心悠一人分析兩角,演出記者精心設計的講數連環圖,拍照前記者問:「睇過《古惑仔》、《火武耀揚》呢類黑社會漫畫未呀?」她搖頭;再畀事先準備好的StoryBoard佢睇,她依舊搖頭,睇表情好明顯唔多明內容講咩,不過換衫補妝樣樣無托手踭,重一路拍照一路笑,對住鏡頭重即時入戲鬼死咁惡㖭,演技都有番咁上下。
1.上枱=講數 心悠估:「來這裏。」
你都幾有禮貌喎,點解唔估企上枱呢?奇怪喎。

2.格屎=社團 心悠估:「佔便宜。」
喂!差十萬八千里遠喎!劉心悠你點解咁諗㗎?

3.吹雞=召集兄弟 心悠估:「打你。」
未咁快就打,都未齊人,Call齊班兄弟先開戰喇。

4.一平馬=100人 心悠估:「很多兄弟。」
好明顯照字面推理,叻㗎嘞,雖不中亦不遠。

5.花朵=江湖諢號 心悠估:「大佬!」
錯晒!應該是江湖諢號,呢個術語無理由唔識㗎?

6.老毛=利是 心悠估:「毛先生。」
勁爆笑,有老陳唔代表有老毛喎,想像力一流。

7.響朵=說自己江湖諢號 心悠估:「大聲說話。」
算做中一半喇,不過大聲講咩嘢先得㗎?

8.幾両友=幾多馬仔
心悠估:「幾個兄弟。」
全中!斷估呢個最難估,劉心悠反而估中。

精品逐件睇

戲,是否好戲,今晚睇過至知;精品,是否精美,𠵱家有辦你睇。到全線戲院購買預售或即場《阿嫂》戲票1張,即送計算機、日記簿、Cap帽或Tee,送完即止。