【新增回應】
近日多名韓國藝人嘅父母被爆涉嫌詐騙或欠債，而女團少女時代成員Tiffany亦被爆其父於多年前涉嫌以投資為名詐騙數千萬韓圜。

爆料人A某表示，佢於2007年喺馬尼拉認識Tiffany嘅父親，Tiffany父親當時以收購當地一家高爾夫球場為由，向A某借3,500萬韓圜（約24.5萬港元），而A某得知Tiffany父親收購高爾夫球場失敗後，多次催促對方還錢，不過Tiffany父親一直以各種理由推遲還款，最後甚至搵持槍嘅黑幫恐嚇A某。

A某表示，佢原本已經放棄追回呢筆錢，不過最近韓國演藝界爆出多單藝人父母欠債嘅事件，令佢有勇氣曝光此事。

今日Tiffany方面表示，Tiffany從小就因為父親欠債而過得好艱難，更被多名債主威脅過，佢亦曾多次因父親嘅壓力而代其還債，但遭威脅嘅情況依然持續。因此，Tiffany跟父親達成協議，目前雙方已斷絕聯絡七年。最後，Tiffany就是次事件引起爭議，向大眾道歉。

精選韓流，喺晒《娛果》
http://fb.com/appledailyent