現年32歲嘅日本過氣歌姬小柳由紀，99年憑住處女歌曲《細數你的吻》一鳴驚人，呢支單曲當年大賣70萬張，拍得住同期走紅嘅倉木麻衣，只可惜小柳由紀後勁不繼，紅咗冇耐就人氣急轉直下，家陣嘅唱片更加係銷量榜百大不入，每張都只係賣得幾百張。

小柳由紀為紀念入行15周年，唔止會同美國R&B男歌手PeaboBryson合唱全新單曲《HereForYou》，佢最近仲幫成人雜誌《WeeklyPlayboy》拍性感寫真，小柳由紀好罕有咁着住內衣晒身材，半裸嘅佢又用手遮胸，雖然為事業搏到盡，不過睇嚟都難救佢嘅歌唱事業。