【本報訊】新加坡人上車容易，但背後代價則是每月八折支薪，兩成人工自動轉賬至CPF，按比例分配至買樓、醫療和退休之用的戶口，然後按照政府的人生規劃──當兵、大學畢業、結婚、買樓。
計及僱主供款，Johnson的每月供款比率達到月薪37%，反觀香港只是10%。「講真係妥協（Compromise），雖然唔使擔心住屋，但政府一早迫你儲錢，一出嚟做嘢供兩成其實好多，上個瑜珈班都要儲幾個月錢。 」雖然工作幾年後拮据情況大有改善，但Johnson指，「瘋狂去旅行嘅念頭已經打消，可能都係一年去一次泰國、台灣咁。」
以今年新加坡大學畢業生平均起薪點3,300坡元（約1.9萬港元）計，兩成人工即約660坡元（約3,800港元）會被扣除至CPF，僱主供款為560坡元（約3,240港元），意味戶口每月有1,220坡元（約7,040港元）公積金存款作滾存，而當地基本戶口設每年保證回報2.5%，目前派息率則為3.5%。

「政府幫你做好人生規劃」

「政府一早已經收好地起組屋，幫你做好人生規劃。滿18歲就去當兵，然後讀大學，25歲畢業就搵個女朋友結婚，咁就合資格買樓，跟住30歲生仔，到65歲就儲夠公積金退休，個個都係咁。」
Johnson指，當地組屋房策有不少規條杜絕炒賣，除了國籍和入息限制外，最年輕可於21歲申請組屋，但必須要以家庭身份，鼓勵當地人結婚生育。
如果25歲還未「如期」有女友怎辦？「等到35歲啦，政府就會放棄你，畀你單身自己一個買組屋。」