阿爺七年前已經叫民建聯外樹形象、內強素質，結果強咗啲乜？民建聯陳鑑林前日喺立法會，吔文吔武諗住屈公民黨湯家驊唔維護香港法治制度，不過佢神情肅目、稱呼湯家驊做「大嘅律師」時，湯大狀都忍唔住爆笑，而陳鑑林就似乎絲毫聞唔到味，繼續「敦」起個款繼續鬧埋公民黨黨魁梁家傑。

陳鑑林嘅精彩發言噚日喺網上瘋傳，湯大狀好留口咁話，可能陳鑑林講嘢講得唔清楚啫，但亦反映到建制派議員議政質素低咗啲，湯大狀仲話，由於陳鑑林稱呼同樣為大律師嘅郭榮鏗做律師，所以民主派家取笑湯大狀係「大嘅律師」、郭榮鏗就只係「細嘅律師」啫。