【新增內容】

韓國天團BIGBANG成員T.O.P早於去年2月入伍，而BIGBANG早就表示餘下4位成員亦於今年內入伍，以縮短組合嘅空白期。繼隊長G-DRAGON(GD)上月27號入伍後，新婚人夫太陽亦已定於下周一入伍，據報道指太陽將於江原道鐵原郡第六師團青星部隊進行基礎訓練。

而今日BIGBANG所屬嘅YG事務所表示，28歲成員大成將緊接太陽於下周二(13號)以現役兵身份服役，係BIGBANG第4位成員入伍。據YG相關人士透露：「隊中年紀最細嘅成員勝利一直好希望與成員同伴入伍，但因為要為新片《宇宙有愛浪漫同遊》宣傳，以及一直準備嘅Solo活動，所以未能同伴入伍，勝利將於完成所有工作後以現役兵身份入伍。」

另外，下周一入伍嘅人夫太陽，今日根據韓媒報道，佢會於江原道鐵原第6師團青星新兵教育隊入伍，完成5周基礎軍事訓練後就會正式當兵。

更多韓流，喺晒《娛果》
http://fb.com/appledailyent