愛華頓喺1878年成立，比起同市另一支出名球隊利物浦，仲要早14年。明年就係球隊成立140周年，愛華頓嘅會徽係點樣嚟㗎呢？

1937/38球季後，隊史首位領隊Theo Kelly，想整條西裝呔出嚟，決定用藍色，再設計埋個會徽。用咗四個月時間去諗，決定抄一個愛華頓當地嘅地標，即係棟尖頭嘅磚頭建築物。棟建築物喺1787年開始起，用嚟鎖住醉酒鬧事，同埋犯芝麻綠豆小事嘅人一晚半晚，等警察之後帶佢哋提堂。棟建築物今時今日，都可以喺當地搵到。

會徽下面嘅拉丁文，翻譯成英文係「NOTHING BUT THE BEST IS GOOD ENOUGH」，即係只有最好嘅先配得起呢間球會。建築物兩邊嘅月桂花環代表勝利。第一代會徽1938年面世，不過當時波衫上面無擺，只係繡上「EFC」。到咗1978年先印喺波衫上面，會徽之後經過幾次微調，變化唔大。13/14球季，曾拎走兩個月桂花環同埋句拉丁文，而家最新version有返啦！

--------------------
BFB CHAMPIONS 2.0 聖誕新年活動連環出擊，登入即送傳奇球星「林伯特」！ http://bit.ly/2xrTKGM