青年新政新界西候選人黃俊傑及王百羽今午到葵涌廣場外拉票，雖然港大民調及雷動計劃均指勝算不高，但二人仍落力嗌咪為最後衝刺。黃俊傑認為，民調只是參考指標，雖然在港大民調是偏低，但其他民調如建制派及香港研究協會等，反而是偏高，「所以有個落差喺度，我哋只能夠係爭取好多游離選票」。

黃俊傑指，新界西有10多萬年青選民，「只要所有嘅人出嚟，我覺得本土派夠兩席有餘，所以只需要大家肯出嚟投票就得」。他表示，今日會作最後努力，向選民講解會在議會抗議方向及有關香港前途想像。他又指，今早到長發街市拉票，因早前曾幫過街市商販，商販都表示支持，「去到見返佢哋，佢哋覺得好親切，同埋我哋幫咗佢哋好多」。

王百羽則稱，其選區天恒經過去年區選後，新登記選民人數大增，他也嘗試推高年輕人的投票。「經過雨傘運動同種種嘅事，好多後生仔對政治有覺醒、啟發，會出嚟投票」。非建制候選人恐失議會地區議席過半把關，黃俊傑指，現時重點不是守住議席，是要守住香港，因為過去20多年香港面對赤化過程，現時的代議士沒有制止，「反而一步一步陷入，所以我哋一定要靠自己，進入議會用盡所有方法去捍衞屬於我哋嘅香港」。

日前《成報》的報道指青年新政疑收受中聯辦資助，黃俊傑指<成報>是左報，事件無中生有，但慶幸網上反應認為是抹黑青政。他呼籲選民出來投票，「我哋今日將會引起一場由下而上嘅時代革命」。

九西新思維狄志遠中午與團隊到黃埔一帶拉票，又去酒樓與茶客交流，呼籲市民投他一票。對於有建制派稱希望他成為梁美芬及蔣麗芸之後，取得第三席的人，此舉有機會被人歸類為建制派，一直強調自己行中間路線的他稱，這是最危的地方，再三強調自己非泛民也非建制，不搞議員對立，接納和而不同，中間、理性、溫和去追求民主路線。他指，自己用了長時間建立中間路線形象，「其他朋友支持我哋，唔能夠推算我哋屬於嗰個派別」，並稱近兩日己打告急牌，希望叫沉默大多數出來投票，增加勝算。

對於新思維區選落敗，新東補選又未能勝出，如果今次立法會又輸，對政黨打擊是否很大？狄志遠指，由第一日已知行中間路線很困難，新思維只成立6、7個月，要贏一場大選舉並不容易，故會樂觀積極面對；又指一個選舉必有得失，但不代表政黨存亡，並稱現時民調都是笑話，他們已放棄看民調，但感到街上支持不停增加，感覺良好。

同區參選名單詳見此網頁：
http://bit.ly/2aDHmxj