無神論:查爾頓起「菲」喇! - 蘋果波神
上周捧昆士柏流浪打低錫菲聯,結果被錫菲聯完場前追和,令我輸半個盤,未能做出〈開倉版〉5連勝;好嘞,到了周中捧米杜士堡主場能夠痛擊錫軍,又俾後者全場大部份時間死守,到加時先至臨尾香。不過我唔服氣,今次希望蓄銳的查爾頓作客生性,誓要錫菲聯本利歸還。
一早強調錫菲聯老兵多,對上兩戰成條後防線連同上仗蝦碌的門將巴廸堅尼,已連埋加時5日內踢足210分鐘,加上中前場的38歲史必同30歲的比亞堤,都兩戰踢近200分鐘,點頂呀;何況足總盃出局,暫時漫無目的,降班暫未燒到眼眉,今戰難望看好。反觀查爾頓近期戰績一般,已跌落升班警界線的第6位,不容再失,鐵人鄭智難得有一星期假期,將領射手安廸格雷、岩布斯及麥里奧特攻堅,進取者可博2.82倍W。
其餘配腳,阿仙奴經歷浩劫,眾將誓要主場擊倒維拉,獻給斷腳要休息一年的達施華,主勝甚穩;另外有紐根特這位從老樸外借的前英冠射手加盟的葉士域治,作客散晒的修咸頓,坐和望贏,諒可做到。
近5場往績:輸贏贏贏贏
蘋果波神
英超波癡有一個心願,5月話你知!