唔係巴塞隆拿球迷，都未必知道比利時後衞華美倫，今時今日仲效力緊「地上最強」，事實上華美倫上季外借至羅馬，始終都傷多過踢，今季重返巴塞，巴塞一直求售，但早前友賽，呢位31歲後衞又因為左腳傷缺陣，唔知幾時先可以復出。

不過堂堂前阿仙奴隊長，多達200場英超經驗，竟然都有英超兵想簽佢，據報西布朗、愛華頓都想簽華美倫，睇吓佢又離唔離開到巴塞呢個傷心地。