職業司機日復日在同一條路線上來來往往，工作性質頗沉悶，一名愛唱歌的小巴司機駕車時大展歌喉被乘客投訴，有網民稱這名司機慘被運輸署警告，「唱吓歌都唔得，做司機真係慘。」

據網民透露，該司機駕駛九龍區20號專線小巴，這小巴線來回新蒲崗及慈雲山，一般乘客對他愛在揸車時唱歌無意見，但也有人認為司機歌聲滋擾，遂向運輸署投訴，「唱幾句歌都收警告信，佢真係唔好彩。」

「畀幾蚊以為坐頭等」

網民「小B」顯得頗同情這名司機，「揸車時無乜好做，一係聽歌，一係聽收音機，點解唱歌都俾人投訴？」網友「Henry踢得勁」似乎是職業司機，「𠵱家好多人畀幾蚊搭車，以為自己坐飛機頭等，諸多要求又鍾意投訴，搵食遇到呢啲客真正當黑。」
「鳳兒一姐」雖然同情這司機，但也批評很多職業司機「無品」，「好多亡命小巴司機，一路揸車一路傾電話，又瘋狂超速，呢啲司機應該投訴到佢哋釘牌。」原來不少網友也對小巴司機有怨言，「綠色小巴司機好啲，紅van司機真係好癲，最怕搭van仔。」
營運上述小巴線的運通專線服務有限公司負責人呂先生證實，月前一名替更司機被投訴駕車時唱歌，但運輸署沒有發警告信，「只係問吓發生咩事，我解釋咗，司機悶悶哋哼幾句歌，好平常。」

《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]