張家輝M額中坑爆笑
陳煒火辣3點 突破底線
蘋果日報 2006/10/08 00:00
樣靚身材好嘅女星當然謀殺不少菲林，但係原來M字額中坑都會吸引大家視線，王晶監製嘅電影《提防老千》噚日喺小欖某豪宅取景，陳煒以火辣辣三點式成為焦點，其間仲下體現形，而同場嘅陳苑淇（Jolie）身材都絕不輸蝕，不過最絕係為藝術犧牲嘅張家輝，佢剪咗個M字額頭，再配合一身娘爆造型，驟眼睇完全認唔出係佢。
剪咗個M字額頭半個月，日日都要鏟清個M字位，家輝都驚啲頭髮生唔番，但佢好滿意自己個呆男造型，佢話想突破自己畀啲新鮮感大家，點知連個女都唔認得佢，老婆關詠荷就笑足三分鐘，佢仲話為王晶犧牲露股。
剪咗個M字額頭半個月，日日都要鏟清個M字位，家輝都驚啲頭髮生唔番，但佢好滿意自己個呆男造型，佢話想突破自己畀啲新鮮感大家，點知連個女都唔認得佢，老婆關詠荷就笑足三分鐘，佢仲話為王晶犧牲露股。
Jolie為出路徬徨
同樣為王晶犧牲仲有陳煒，噚日佢先同王晶拍咗一場半裸上身激情戲，又伸手入家輝條褲摷，之後喺欄邊造愛，煒哥話經已突破晒底線，問佢係唔係行性感路線？佢話：「唔係，係晶哥想我refresh形象，唔好仲係ATV時嘅感覺。」嚟緊佢會再同王晶、張衞健、鍾欣桐去橫店拍劇集《A計劃》。
至於幾日前收到經理人陳少寶通知話公司會結束嘅Jolie，提番件事時忍唔住喊，佢話好徬徨唔知點算，𠵱家工作排到12月，同事話自願幫到佢年底，至於去向問題就要再傾，飾演老千嘅王晶見到Jolie喊就大大聲喺旁邊講「唔使驚﹗我簽。」唔知會唔會真係成事？
至於幾日前收到經理人陳少寶通知話公司會結束嘅Jolie，提番件事時忍唔住喊，佢話好徬徨唔知點算，𠵱家工作排到12月，同事話自願幫到佢年底，至於去向問題就要再傾，飾演老千嘅王晶見到Jolie喊就大大聲喺旁邊講「唔使驚﹗我簽。」唔知會唔會真係成事？
陳煒噚日以三點式泳裝拍劇，輕易成為焦點，不過未知泳衣係咪唔稱身，令佢下體現形（圖）。
張家輝剪咗個M字額頭，再加埋一身娘爆造型，勁爆笑。
電影《提防老千》噚日喺小欖某豪宅取景，（右起）監製王晶、陳煒、Jolie同張家輝齊齊拜神，祈求工作順利。
提到日後去向，Jolie就話好徬徨唔知點算，仲喊咗出嚟。