現年26歲嘅狄易達早前媾掂34C台模吳亞馨（新聞連結： http://bit.ly/1RuqZ1q），二人享受恩愛嘅異地戀，近日狄易達加盟新公司澳滌娛樂後，首推跳唱歌《一凍一熱》，就躋身各大音樂流行榜頭三甲位置，為樂壇再次注入跳舞氣氛。

早前達仔與同門師弟妹朱天奇、楊樂文、江宏基、施朗然、王顯聰、丁可欣（Yanki）、黃莉雅（Tasha）及羅伊婷@DanceKingdom聯手為新歌拍攝MV，擦出非一般火花，佢講：「有別以往他們站在我後面跳的感覺，這次安排他們各自有Solo部分，讓更多人看到他們獨當一面的真功夫！」

達仔仲借咗名貴嘅古董開蓬跑車，畀佢配合劇情，盡情耍帥識女仔，現實中，達仔有冇識過隨街撩女仔？佢就話：「相信很多男生都有試過，（有成功過嗎？）小時候經常都失敗食檸檬，不過工多藝熟，成功次數自然提升！」達仔仲自爆早前去日本學舞時有艷遇，問到佢有咩心得？佢就笑住講：「最高招是正正經經在街頭跳舞，有型啲，艷遇自然來！」

提到《一凍一熱》嘅舞蹈編排上，無論喺拍攝MV或每次公開演出時，達仔亦與DanceKingdom成員Yanki及Tasha有唔少親密接觸，達仔有冇詐佢型？達仔就直言對方相當介意，臉帶甜笑講：「她介意我在尷尬，總建議我要狠狠的親下去，這樣視覺效果會好一點。」面對女朋友咁大方，達仔笑言恭敬不如從命：「我本人表示，非常樂意去配合和實際地繼續親密！」