全屋850呎真係毫無破綻,樣樣都好到無嘢講?「咁又唔係!入門口一列地方,2012年會有少少問題!」大門鐵閘對正東南,正正係明年嘅病災位,屋主有乜頭暈身㷫奇難雜症,完全可以惟佢是問。「我睇間屋平面圖時,就發現呢個問題,所以特別預備了一個符葫蘆俾屋主!」將符葫蘆掛於大門鐵閘就有助化解煞氣。此外,家中的廚房亦正正對住大門,由於有爐火「加旺」,「病災」亦有可能越演越烈:「廚房處理同大門有啲唔同,只要放一樽粗鹽在爐火旁就可淨化病危!」
明年桃花位在南方,但極唔好彩地竟落在廚房側的廁所內:「呢個就係所謂爛桃花,影響所及,係男女戶主都有機會遇上外遇同婚外情等問題!」一般傳統中式做法,係會用鐵銅公雞擺設「啄」斷爛桃花,不過主修姻緣和合嘅陳師傅有另一番見解:「我會建議放泰式和合瓶,和合有和諧、和睦、和氣、和順同相親嘅意思,只要和合順意,就能結良緣,增加職場人緣,人際關係提升就更得貴人相助!」