曾經同屬韓國SM事務所嘅少女時代（少時）前成員Jessica及EXO前中國籍成員Kris，二人離開SM之後keep住友好關係，噚日仲齊齊錄製內地綜藝節目《天天向上》，二人於台上有講有笑，而Jessica更心情大好，唔介紹整搞鬼表情扮猩猩，非常可愛。

噚日，Jessica及Kris同台錄製《天天向上》，當中Jessica以黃色連身裙現身，而Kris就以黑白造型登場，非常型仔。二人於現場重現青春偶像劇嘅名場面，不時笑場，展現可愛一面。當二人扮猩猩時，一向行冷酷路線嘅Jessica更豁出去交足戲，令人眼前一亮。

而錄製結束後，Jessica於微博公開新相，留言：「今天玩得很開心！」而Jessica及Kris演出一集，預計將於下月播出。