學民思潮成員周庭在會後表示,不少學生都表示反國教行動被校方打壓,其中最「離譜」的是天水圍香島中學,學生在校外派黑絲帶亦被校方阻止,「啲學生網上聯署,會被老師、校長指摘搞分化,話係泛民嘅宣傳手法,話啲學生妖魔化國民教育,記學生缺點」。
天水圍香島中學中六生顏同學表示,雖然學校未推洗腦教育,「但係要一路關注,睇吓教科書有冇洗腦內容」。他希望候選的學生會內閣會就國教科表明立場。
本身不是學生會成員的劉同學,在調景嶺寶覺中學念中三,「學生好關注呢件事,我哋貼過海報,有喺Facebook宣傳,但有老師針對我哋,試過當面撕爛啲海報」。一眾學生未有被嚇倒,向校長投訴,「好開心校長都支持我哋」。
在何文田某中學念中六的吳同學認為,學生會不應只求福利,「喺社會應該有角色,為唔公義嘅事情發聲」。