前無綫高層何家聯昨日病逝，何家聯是香港第一代電視人，由麗的年代開始做起，初入行時任職製作部，之後加入無綫做攝影師，其後升做製作部總監，當年何家聯一手發掘簽五虎，劉德華、梁朝偉、黃日華、苗僑偉及湯鎮業。

湯鎮業接受《蘋果》訪問，他說：「同何家聯都有幾十年冇聯絡，80年代佢喺TVB管藝員部，所有約都係佢傾，佢係用家長式管教，都幾嚴肅，會話你邊樣唔好，咩又唔好，嗰時五虎見佢都幾驚佢，即係好似o依家啲新人見到樂(易玲)小姐咁囉!」

劉德華則讚何家聯當年將所有TVB藝人當作子女：「在我被雪藏期間給我精神上的支持，最難忘的是他因為沒有成功說服我續約而被處分、調職降位，一直特別內疚。」(新聞連結： http://bit.ly/2i5rYrU )