執筆之時正身處韓國首爾，出發當日正是排位抽籤之時，相信有留意新聞嘅朋友都知道，港隊代表「藍天堡馬」被安排13檔一事。

對於一向極力追求公平公正的香港馬迷來說，也許都會覺得在韓國一級賽中發生安排檔位這種事有點怪誕，但事實上韓國馬會的而且確有賽例講明，司閘員擁有安排賽駒檔位的特權。

「藍天堡馬」將會在明日（9日）S1第一場韓國短途錦標上陣，睇過同場馬匹過往賽事片段後，我認為日本代表「爵士藍調」將會是最強對手。

本地賽全日唯一盃賽場合，第二場廣東讓賽盃，我看好輕磅的「大籐王」可順利捧盃。

相比起同場其他對手，「大籐王」明顯正值大熟大勇之齡，熱咗身開咗氣今仗易配今季積極的韋達，勝算甚高。

其餘心水第七場「醒目再臨」，上仗慢步速後上不及輸比「勁無比」，表現令人眼前一亮，今次匆匆再出力求補中。

同場半冷門留意「共創更好」，畢竟係一匹由87分減落嚟嘅馬，暑期評分減至55分，今場再用潘明輝減多五磅，比起上季入Q時孭輕10磅，威力大增。

文：阿Kit