南美完成兩輪世界盃外圍賽，出得起錢嘅英超三豪曼城、車路士同利物浦，就一齊夾份包咗架私人飛機，接載巴西國腳回英，可以舒舒服服咁休息吓，呢個周末有好狀態。車路士中場韋利安就喺個人IG晒6位巴西幫合照。

不過除咗韋利安外，曼城前鋒加比爾捷西斯、中場費蘭甸奴同門將艾達臣摩拉斯，同利物浦前線孖寶菲臘比古天奴及羅拔圖法明奴，friend埋呢程私人飛機旅程就好嘞，事關周六英超大戰曼城主場對利物浦，宜家係老友，周末就成為敵人。