吳日言（阿Yan）、利嘉兒和河國榮三個愛犬之人，昨天齊集柴灣一個運動場，出席「全城愛寵齊集東區顯繽紛」的活動，擔任評判。同場還有早前被人虐待、殘忍地斬去四肢，然後被棄於洪水橋一個垃圾房的唐狗PanPan出現。由於PanPan已失去四肢，平時只能在地上蠕動，所以在活動上牠亦只能長期困於籠中。

阿Yan和利嘉兒一到場即探望PanPan，兩人除各捐出一百元幫助牠外，還不時與寵物傾偈。對於有人這樣殘害PanPan，二人都表示痛心，兼且覺得政府要嚴厲懲罰殘暴的人。利嘉兒說：「我同Yan完全唔敢相信呢件事，全世界都冇發生過，真係覺得係香港嘅恥辱，政府要立例保護動物，真係要嚴謹啲。」
把家中愛犬視為兒子的利嘉兒更說：「時代唔同，好多人都當動物係自己親人，我同老公（周國豐）都冇諗住刻意生細路，諗住養動物。」阿Yan亦說：「動物都係有生命嘅，啲人唔好咁變態。我聽啲專家講，PanPan四隻手腳都斷咗，唔知點幫佢裝義肢，所以佢個情況都幾令人憂心。」
採訪、攝影：王連連