陶大宇羨慕青雲演方展博
蘋果日報 2015/05/30 00:00
憑《刑事偵緝檔案》獲封「師奶殺手」的陶大宇，在92年《大時代》中飾演打家劫舍、姦淫擄掠，集所有壞事於一身的丁益蟹，雖然角色衰到貼地，但大宇仍要特別多謝監製韋家輝帶挈，大宇說：「佢拍完《大時代》之後好快離開TVB，原來佢臨走之前交帶咗好多身後事，就係叫其他監製同幕後人畀多啲機會大宇，話呢件好嘢嚟！真係好多謝韋家輝。」
回想《大時代》第一場掟仔落街經典場面，大宇指四蟹本來要吊威吔真跳，大宇說：「嗰場戲好辛苦，拍咗20幾個鐘頭，廠景到朝早10點，緊接到灣仔商業大廈天台拍，開頭設計set威吔真跳，但真係太危險，我哋又唔夠瞓，唔夠體力，所有配套唔能夠好安全拍呢場戲，導演同武指研究過，最後取消呢個念頭。」
回想《大時代》第一場掟仔落街經典場面，大宇指四蟹本來要吊威吔真跳，大宇說：「嗰場戲好辛苦，拍咗20幾個鐘頭，廠景到朝早10點，緊接到灣仔商業大廈天台拍，開頭設計set威吔真跳，但真係太危險，我哋又唔夠瞓，唔夠體力，所有配套唔能夠好安全拍呢場戲，導演同武指研究過，最後取消呢個念頭。」
陶大宇笑指自丁益蟹之後，自己已經「從良」演正氣角色。攝影：陳志嵐
大膽創造角色
大宇戲份不及大佬孝邵仲衡，但角色卻是四兄弟中最搶，大宇笑說：「個角色真係好搶，我自己又演得比較大膽，因為嗰時冇人理我哋，理都理秋官同青雲哥，我呢啲老茄連海報都冇張相，基於咁嘅理由，畀我哋自由度好大，我可以創造呢個角色出嚟，冇包袱。」
大宇跟劉青雲同期訓練班畢業，眼見青雲當主角，大宇直認十分羨慕：「青雲你就好啦，接到一部神劇，個角色又咁好發揮、咁漂亮。當時我覺得呢部戲唔係屬於我，但𠵱家睇番，都好多謝網民觀眾咁留意我，我可以參與到呢部神劇，都有少少無悔。」若然可以重新「洗牌」，最想演那個角色？大宇笑說：「當然方展博，呢個角色幾完美，好有發揮空間，反差好大，但當然青雲會演繹得好過我啦。」
場地：Fifth Salon
大宇跟劉青雲同期訓練班畢業，眼見青雲當主角，大宇直認十分羨慕：「青雲你就好啦，接到一部神劇，個角色又咁好發揮、咁漂亮。當時我覺得呢部戲唔係屬於我，但𠵱家睇番，都好多謝網民觀眾咁留意我，我可以參與到呢部神劇，都有少少無悔。」若然可以重新「洗牌」，最想演那個角色？大宇笑說：「當然方展博，呢個角色幾完美，好有發揮空間，反差好大，但當然青雲會演繹得好過我啦。」
場地：Fifth Salon
大宇（右）揚言恨演方展博，指角色有發揮空間。