有皮革公司牽涉多宗拖欠薪金個案，勞工處曾作調解且經法庭判令，惟僱員仍是追討無果。職工會聯盟批評政府「無理由不作檢控」，變相將問題放縱。

「我哋只係想攞番份應得嘅血汗錢啫，追唔到個僱主，咪搵政府幫忙囉！點知兜兜轉轉都冇用；真係好無奈！」遭前僱主拖欠工資的袁先生，向記者憶述與十名同事由去年開始追討欠薪的過程，大感辛酸。

拖欠薪金一至多月
欲哭無淚的袁先生說，去年十一月，他於「振億有限公司」皮具店任職文員，日薪180元再加每小時18元超時津貼。惟至十二月底仍未獲發薪酬，而公司同時亦有十名員工，分別被拖欠一個月至多個月薪金。他指曾與其他同事多次向公司追討欠薪，惟一直不得要領。
「我算最好彩，只欠五千幾蚊，我年輕啲容易轉工；有啲上咗年紀，等錢養家開飯，重俾公司拖欠幾個月、成萬幾蚊，都好慘！」
無計可施下，他們分別向勞工處求助，部份個案經該處跟進後，雙方協議和解；惟員工一直未獲發放欠薪，資方亦不作回覆。

誰可維護僱員利益
極感失望的袁先生稱：「我嘅個案就重跟緊，但眼見其他同事上完庭都追唔番個公道，真係百感交集；但最奇怪係，向勞工處求助時，勞工處話要重新再排期處理，咁究竟要排到幾時、等到幾時？」
袁先生歎道，他們多次往位於觀塘成業街日昇中心的振億有限公司追討，但均無結果；近月該公司甚至已遷離，但沒知會他們，幾經追查，才得知公司已遷往油塘。
「點解呢間公司牽涉咁多單欠薪，勞工處都唔做啲嘢？咁打工仔嘅利益重有邊個可以維護呢？」
本報曾往該公司欲查詢有關個案，惟職員稱負責人不在而拒收提問信件及作出回應。