當年今日
關於我們

【下月舉行演唱會】今次唔會減肥 衛蘭:唔想喊住跑步

蘋果日報 2017/12/19 14:29

演唱會衛蘭叱咤五強

衛蘭(Janice)明年初舉行演唱會,今日到商台宣傳之餘,當然要同大家update吓演唱會進度啦。提到距離演唱會不足一個月,衛蘭就話現時仍未準備充足:「過往演唱會都會係搞掂啲歌先,但今次反而服裝、舞台、設計各樣安排好,歌就未搞掂,噚日先正式開始排舞。」
佢話演唱會啲衫已經試好哂,今次同過往有分別,衛蘭話唔會專登去減十磅,之前紅館演唱會要減十磅,成個過程唔享受,唔食澱粉質,個人好down,跑步時候又喊住跑,今次唔可以咁做,衛蘭話已經冇食零食,會有適量控制。出騷衫難免性感,拒絕減肥嘅佢又能否迎合觀眾呢?衛蘭笑笑口話:「所以企上係要有勇氣,可能會唧咗啲肉出嚟 ,到時我會帶出我最靚地方,就係頸部。」
年尾頒獎禮已經開始,衛蘭今年就話會出席三個頒獎典禮,有指佢會得叱吒女歌手金獎,如果成真就係佢首度奪金,衛蘭話:「我覺得唔會囉,入到五強已經好開心,順其自然啦,攞唔到唔緊要。」容祖兒同李克勤都睇好佢攞獎,衛蘭話:「覺得一定唔會,有佢哋咁睇起我已經足夠喇,個個得獎機會都好大。」
更多娛聞,喺晒《娛果》
http://fb.com/appledailyent
empty
攝影:卓寶花
empty
(資料圖片)