上周六先再度襲港嘅韓國「國民妹妹」IU，自從佢之前嚟香港開騷時獻唱廣東歌《囍帖街》而被激讚後，佢喺香港嘅知名度亦都大讚，仲吸納咗唔少香港粉絲。

估唔到IU除咗人靚歌甜外，原來佢本身都幾慳家同環保，事關大部份藝人現身機場時都視為行騷，亦都有唔少品牌贊助商贊助藝人現身機場時嘅衣着，所以好多藝人去機場時都會刻意悉心打扮，絕對唔會馬虎。未知IU係唔係唔想做服裝奴隸，所以佢近日現身機場時都冇話要專登襯過啲衫先出嚟見人，。

IU上周六一早由韓國出發嚟香港出席聖誕活動，佢現身韓國機場時就見佢包到冚一冚，除咗一件白色冷衫外，亦披上軍綠色厚厚外套兼戴上白色頸巾，到佢抵達香港後，佢就除咗件外套及頸巾，沿途又友善同粉絲揮手打招呼。由於IU當日行程緊密，佢一出席完香港嘅活動後，當晚就即離開轉飛去北京，去到北京時佢就做足防寒措施，再次披上軍綠色外套及頸巾，估計因為北京空氣太差，所以IU就戴咗一個好強勁嘅口罩。

而到本周一當IU離開北京返回韓國時，佢又再一次着上佢件白色冷衫，不過今次佢就換了一件駱駝色嘅外套。