今次(8日)快活谷夜馬用A跑道角逐，利內檔前置守好位跑法，是一貫的模式。賽事已踏入季尾階段，留意到今次體重公佈，跌磅馬匹相當多，這反映不少馬匹勤跑下已出現疲態。相反，季內少用而有正常操練的戰馬，可優先考慮。馬房方面，今次睇好麥、蔡及葉廐，有望取得頭馬。

第五場四班1650米(扶輪百周年盃)，「歡喜心」跟廐侶「架勢」情況相若，有質素較慢熱，蔡約翰唔心急，作為第二梯隊之出擊馬，「歡喜心」在四班跑一哩已取得兩勝佳績，居然還未升班實在大佔便宜，上仗在莫雷拉胯下有更佳發揮，主動跟前，直路輕易衝贏「咪走寶」及「永益善」等實力指標馬，超班實力已表露無遺。四歲當起馬，復課快跳更開心起勁，體重微跌七磅，相信毫無影響，應可再建一功。「善財到」跑落有進步，場地性能轉廣泛，故上仗轉戰快活谷也適應，且並非單靠快放，稍留後追表現亦好。復課身靚勁力貫注，贏馬加磅唔多，排檔形勢有助，仍是三甲分子。

「星運判官」落四班已夠爭，上仗敗於「咪走寶」，對手實力太強了，拼後唔心急匆匆再跑，唞夠再做足工夫，快跳情續越見穩定，陣上可期有更佳演出。「萬里威揚」剛戰用吳嘉晉出擊，僅以鼻位落敗，恨贏馬復課加強操練，埋門連拍三課，換上田泰安執韁，戰鬥力增強。「獻惑」狀態長期見好，要贏唔容易，爭三、四名還可以。