正跟「長腿oppa」李敏鎬合作拍攝新劇《藍色海洋的傳說》嘅女神全智賢，年初生完B後即全面復出，狂拍新廣告，日前佢就跟內地女星范冰冰齊齊以代言人身份，為adidas Originals推出嘅全新adicolor、EF Pack及ES Pack女裝系列拍攝新相，演繹簡約經典造型，以充滿個性嘅型格美嚟迎接秋冬嘅來臨！

新女裝系列保留原創經典風格，同時注入大膽嘅豹紋印花圖案丶絢麗斑斕嘅花卉元素，即使係秋冬都充滿熱情氣息！全智賢就穿上EF Pack系列嘅淨藍色樽領衛衣，配襯佈滿花卉及豹紋圖案嘅半截裙，滲透女性獨有嘅神秘魅力！而范冰冰就將頭髮編成兩條鬢辮，穿上ES Pack深藍色長身連帽衛衣配黑色leggings，衛衣帽內更暗藏花卉圖案作點綴，令整個造型增添活潑感。兩大女神，一個神秘一個活潑，各有各風格。