千億新抱李徐子淇、劉嘉玲、謝婷婷等昨晚在灣仔君悅酒店出席卡地亞「Resonances de Cartier」的晚宴，由Bruno Mars擔任表演嘉賓。後日是母親節，李徐子淇說：「我哋會同奶奶、媽咪一齊食飯慶祝，佢哋通常會畫吓卡，整吓曲奇送畀我，收到呢啲有心意嘅禮物已經足夠，最緊要一齊就開心！」她還說今年的母親別有感受：「之前去過啲探訪活動，發現有好多地方有童婚問題，真係好影響人生，希望大家可以關注。」如果將來會否反對囡囡早婚？她說：「結婚睇緣份，最好唔好係未成年。」下周二是二女的生日，子淇說：「我哋會切蛋糕，唔會太多物質。」

至於劉嘉玲在Ig貼圖戴了一套皇冠首飾，她笑說：「唔好講幾多錢，只要適合我嘅都想擁有，買得都唔係睇有冇得升值。」嘉玲還表示：「今次係自己買，我都唔敢同偉仔講。」另外，婷婷佩戴一套價值500萬的首飾出席，提到父親謝賢早前以直系親屬轉讓的形式將豪宅轉到霆鋒名下，成功減免了552.5萬元稅項，婷婷說：「我唔知呀，我哋平時都冇乜溝通，都係透過你哋先知道佢嘅事。」
採訪：羅慧敏
攝影：陳慧安