當年今日
關於我們

【韓流】西班牙小鎮開韓國餐廳 李瑞鎮坦言拍《尹食堂2》忙到冇得抖

蘋果日報 2017/12/29 15:00

李瑞鎮尹食堂2朴敍俊

韓國金牌導演羅䁐錫製作、男星李瑞鎮以及女星鄭有美再加上兩位資深演員尹汝貞、申久演出嘅tvN綜藝節目《尹食堂》,早前落實拍攝新一季,更遠卦西班牙拍攝,不過申久因話劇演出未能參與,所以韓劇《三流之路》男星朴敘俊就會成為節目嘅新兼職員工。
節目已定於下月5號首播,而李瑞鎮日前接受韓媒訪問時,就大談《尹食堂2》,令觀眾相當期待。李瑞鎮表示:「第二季同第一季完全唔同,因為唔係度過勝地,而係真正當地人住嘅小區,所以氣氛完成唔同。」提到第一季喺峇里島開餐廳,李瑞鎮指有時得閒到可以去游水,但今次真係忙到冇得抖:「因為要成日換碟,所以要不停咁洗碗。」
李瑞鎮又指:「嚟過食嘢嘅人都讚好食,所以真係有好多人嚟,甚至要排隊等入座。加上因為喺外地開韓國餐廳,都驚稍有不慎就影響到韓國嘅形象,所以大家對食物嘅管理都特別謹慎、要做到好完美,故顯得更辛苦。」
對於新員工朴敍俊,李瑞鎮就大讚對方:「因為西班牙唔係單靠英文就溝通到,實際上真係需要用到西班牙語,而朴敍俊就刻意去學咗西班牙語,雖然唔係講得好叻,但都可以溝通到,好努力及認真。」
更多韓流,喺晒《娛果》
http://fb.com/appledailyent
【minigame】2017瘋暈人物 返工打機唔使擇日
http://bit.ly/2CeWQkP
empty
《尹食堂2》下月5號首播
empty
日前公開咗首個預告