武漢疫情持續，好多人如非必要都唔太敢出街，更有不少人話因為經常要留在家中，而令廚藝精進不少。但講真要日日煮，仲要煮得好食，其實並不簡單，如果想留在家中都有餐好嘅食，以下幾個apps或者會有啲用。

《Jamie's Ultimate Recipes》 $53
唔好話出唔到街，就算畀你正常出街，都暫時好難食到Jamie Oliver牌頭的食物，因為佢嘅餐廳已暫別香港，回歸無期。不過大家亦可試試download呢個app，$53就有超過600款菜式，有易有難，最簡單的聲稱30分鐘就煮到，相當適合入廚新手；加上app的介面設計相當不俗，有埋影片，易睇易明，煮晒600個菜，應該可以變高手高高手！

《Green Kitchen》$18
素食健康，但自己煮素食卻比一般菜式更難，因為大部份人都係食沙律，而這個app就提供了相當多的另類素食食譜畀大家，例如中東蔬菜球、香茅咖喱、蘑菇蜜桃漢堡等，相信即使是食肉怪，都會被入面的食譜吸引，加上app價便宜，絕對可以一試，食得健康啲。

《Healthy Desserts - by Green Kitchen》
一般屋企就算煮飯，都少有整埋甜品（追女／仔除外），但一餐晚飯有埋一道甜品的確是一件賞心樂事，令整餐更圓滿。《Healthy Desserts》這個app除了有多款甜品食譜外，最特別就是會教大家避開精製糖份、人工色素、防腐劑等，教你用全天然的材料製作甜品。這app更曾入選App Store年度最佳app，並獲得50個國家地區冠軍，信心保證。

當然喇，不得不提的還有本地代表《日日煮》，免費之餘更有超過3,500款食譜，不少都是適合香港人的家常口味。另外，iPhone的Siri雖然未必人人有用，但煮食時也有一些小工具可以簡單幫到各位，例如講一句「喂Siri，幫我倒數X分鐘」又或者「喂Siri提我買XX（食材名）」都係非常簡單又實用的小功能，大家不妨多用一下，對提升廚藝一樣有幫助。

記者：韓繼聰
編輯：鄒仲安

-----------------------------
識抗疫・有獎賞
答啱問題送大禮： http://bit.ly/3cGFhMr
-----------------------------
〈果籽〉TG Channel 上線喇
立即追蹤接收最新資訊
-----------------------------
全民自救・和你抗疫
《家居抗疫手冊》四語精華版
-----------------------------
點擊瀏覽 健康蘋台網站 獲享更多健康資訊
-----------------------------
立即去動物蘋台 ，飽覽主子大小事！
-----------------------------
【武漢肺炎】專頁
全民自救 抗疫資訊盡在《蘋果》