不過揸車五年，只有一次因在不適當地點掉頭而被抄牌的Alan直言，自己亦有「泊車潔癖」，而且他亦受過泊車霸王所害。他說，不僅曾因有車主在屯門三聖邨停車場泊過界，而令他與其他駕駛者白花時間等位，他自己的座駕亦曾因這些泊車霸王遭殃，「三、四年前試過畀架泊到過晒界嘅Porsche開門時，撞凹咗架車。」就算是屋企樓下的停車位，亦試過被旁邊揸Benz的人開門撞，「我當時仲坐喺車入面，佢一開門就『嘭』埋嚟，仲要sorry都無句就走咗。」Alan說，香港人雖然趕時間，但他覺得不是亂泊車的理由，「花多一、兩分鐘，扭多幾手軚點都可以泊好。」Alan自己雖然揸細車，但他說載着朋友時，都習慣先叫朋友下車，他才泊車，以免影響旁邊的司機。