甄珍同劉家昌結婚35年，近日驚傳兩人正辦理離婚手續。有指兩人離婚係因為劉家昌近年近年經常流連賭場，加上佢與前妻江青所生嘅兒子生咗個女，劉家昌弄孫為樂，特別關照前妻，疏遠甄珍同劉子千母子，令甄珍怒極決意離婚，結束35年婚姻。近日更有傳聞指甄珍已返嚟香港養傷。至於劉家昌，助手話佢唔喺台灣，一切唔回應。

甄珍噚日向傳媒表示，聽日會喺台北西華飯店召開記者會，到時佢會親自交代離婚傳聞，並感嘆謂：「獎（終身成就獎）還未拿熱。」又澄清同劉家昌關係未如外界傳言咁壞，至於離婚與否根本唔係重點。

不過，甄珍今日透過助手發短訊，表示: 「甄珍因為太累了，身體有點吃不消，明天記者會取消。」 有傳甄珍前幾日因腰椎舊傷復發，曾經一度動彈不得，要去醫院睇急症，未知記招取消是否與此有關。