「政治正確」可大可小，哈佛校長森瑪斯就成為犧牲品啦。佢去年講過點解女性頂尖科學家數目唔夠男性多，其實合乎情理，但哈佛啲自由派教授立即群起而攻之，鬧佢歧視女性，以森瑪斯咁叻嘅人，都唔敢反駁，死死氣認錯道歉，希望息事寧人，但自由派（美國左派代名詞）梗係唔肯放過佢，一直與佢糾纏，迫到佢自動辭職為止。禍從口出，此乃最佳證明，森瑪斯係天才，尚且遭遇如此命運，其他人等，更加要小心，香港特區政府高官最識為官之道，豈會讓馬迷帶細路入馬場。