39歲英國巨胸模特兒佐敦（Katie Price）自19歲開始已經隆胸，多年來佢拆完彈又再隆胸，又不時將個樣加工，整容整上癮嘅佐敦，對佢嚟講整容已經唔係咩大事。

佐敦喺7月透露首次做拉面皮手術，費用係5,0000英鎊，即大約逾52萬港元，噚日佢就第二次去拉面皮，仲將手術過程喺Instagram公開。片段見到整容醫生喺佢耳仔對上嘅頭髮位置縫針，雖然未有公開整個過程，已經夠恐怖。網民睇完之後，即喺網上鬧爆，話對於佢將呢段片放上網感到好驚訝，仲話佢成為咗一個壞榜樣。