3年多前,楊在深圳經朋友介紹認識了當時未滿20歲的徐彩蘭,當時阿蘭在時裝店當售貨員,其後轉到寵物店工作,「阿蘭好純,好天真;我哋識咗冇耐就拍拖;深圳世界之窗、大小梅沙、番禺等,都留下我哋甜蜜的足迹。」兩人因性格合拍,興趣相近,很快就共賦同居。
楊早前安排父母到深圳見女友,父母當場答允替兩人今年底在港擺喜酒,「我哋憧憬將來會好幸福,佢話將來落到香港會同我一齊捱世界……其實我家嘅收入都可以養家,我唔會畀佢捱苦。」楊又說:「佢成日同我講,要做我最靚嘅新娘;估唔到一個小小手術就咁冇咗個老婆。」
「我家仲未接受老婆已經死咗;呢幾日,晚晚睇住我哋嘅合照嚟喊,喊到攰先可以瞓。」楊說:「呢幾日我都喺醫院門口抗議,一定要同老婆攞番個公道。」
本報記者