廖啟智離世丨劉舜文憶述10年前曾拍戲合作 感激智叔首映禮後鼓勵
蘋果日報 2021/03/29 19:18
廖啟智離世劉舜文算吧啦，老豆！
足球評述員劉舜文11年曾於電影《算吧啦，老豆！》與廖啟智同場演出。劉舜文Facebook相片
演員廖啟智昨日（周日）因癌症離世，足球評述員劉舜文今晨於Facebook發帖悼念，他指10年前客串電影《算吧啦，老豆！》時曾與廖啟智合作，讚揚他演技精湛，敬業樂業。
劉舜文雖專職講波，10年前亦曾踏入影視圈，於電影《算吧啦，老豆！》中客串一角，廖啟智離世後，劉舜文今日發帖悼念，表示當年飾演一位用膠刀打劫便利店的癲佬，第一場戲即與廖啟智同場，讚揚他敬業樂業，他又憶述首映禮後曾獲廖啟智鼓勵，衷心感謝對方，「拍攝嘅第一場戲，就遇上演技超級精湛嘅廖啟智先生。即使我當時好淆底，我其實非常清楚，能夠同咁猛料嘅人同場，實在係好彩到不得了！大師級嘅演技，敬業樂業嘅精神，小弟獲益良多！雖然我表現麻麻，不過首映禮後您對小弟嘅鼓勵，銘記於心！衷心感謝您！」劉舜文接受《蘋果》訪問時，透露拍攝時他慌失失，隱形眼鏡更突然脫落，但他形容智叔特意與他熱身，中途又保持入戲狀態，非常專業，「一埋位，我仲係好慌，但係佢成個人已經入晒狀態，READY晒未ROLL機前，特登同我夾一次，熱下身先，中途我副CON突登跌左，搞到要暫停左一陣，但佢仍然冇放鬆，保持喺戲入面嘅狀態，好PRO成個拍攝過程，佢都係定過枱油，從容不迫。首映禮後，佢笑笑口話我做得唔錯，只係一句小鼓勵，但我已經好開心。」
足球評述員劉舜文Facebook發帖悼念廖啟智。劉舜文Facebook截圖
劉舜文（圖）指拍攝時隱形眼鏡突然脫落，但停機時廖啟智保持入戲，非常專業。資料圖片
-----------------------------
蘋果初心不變！26周年「撐蘋果Tee」預售：
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
-----------------------------
《體蘋果》陪你睇波講波