利物浦近一個月走勢回落,唔少球迷都不禁回想,點解唔趁一月冬季轉會窗嗰陣補充兵源,甚至遷怒於美國班主約翰亨利唔「科水」買人,如果老闆係世界首富你話幾好呢……嗱,呢句唔係純粹FF架,近日前紅軍班主吉列捲入一單訴訟糾紛,審訊期間就爆出佢同希斯喺2010年4月決定出售球會後,委託巴克萊資本(Barclays Capital)尋找潛在買家,曾經接觸過微軟創辦人蓋茨、應屆超級碗得主新英倫愛國者班主卡夫特(Bob Kraft)以至嚟自香港嘅買家,輾轉間約翰亨利以Fenway集團主席身份,喺同年10月以3億鎊收購紅軍。