【政府慢兩拍】黃婉曼批自我隔離形同虛設 羅霖讚澳門反應快過香港
蘋果日報 2020/02/10 20:55
黃婉曼羅霖武漢肺炎
（IG圖片）- 黃婉曼大女kyra兩歲半、細女Kaitlyn八個月大（IG圖片）
- 羅霖兩個仔都已長大（IG圖片）
武漢肺炎疫情嚴峻，累計本港最新確診個已案達38宗。特首林鄭堅持不封關，如今食物及衞生局長陳肇始，卻指未來兩星期是抗疫的關鍵期，強烈勸籲戲院、卡拉OK、補習社、興趣小組及會所等多人聚集的場所暫停營業，希望營運者考慮減低病毒人傳人的風險。
提到食物及衞生局長陳肇始強烈勸籲戲院、卡拉OK、補習社、興趣小組及會所等多人聚集的場所暫停營業的防疫新措施，兩女之母的黃婉曼表示有留意疫情發展，2歲半大女kyra本來一周返五日playgroup，政府宣佈停課後，囡囡都足不出戶，黃婉曼說：「屋企仲有8個月大嘅細女Kaitlyn，平時都好注意清潔，疫情嚴峻，佢哋冇得出街，我都盡量留屋企陪佢哋玩。如果疫情持續，未能復課，我都搵啲網上課程畀大女學吓，始終小朋友睇太多電視唔係咁好。」黃婉曼有教囡囡玩玩具前後都用消毒噴霧清潔，大女都好有防疫意識。外傭會照顧小孩，黃婉曼安排外傭減少上街，平日購備家居用品和食物，就由她一手包辦。至於政府被批評太遲封關，黃婉曼都認同，她續說：「成日叫内地旅客來港，要家居隔離要自律，政府呢方面跟進冇做到啲乜，好多人根本周圍去，都冇自律，一切形同虛設。既然係咁，我唯有唔畀小朋友出去，好好保護佢哋。」
羅霖則回覆《蘋果》表示：「呢個政策係大陸實行緊，打邊爐個案，19個人有10個感染，一下子確診到咁多個案，覺得呢個政策係啱。作為家長，希望返學或補習，或去戲院，遇到封閉式環境係特別易，我贊成呢個建議。」羅霖提到SARS期間，兩名兒子都留在家中一個多月，沒有外出，她說：「盡量諗多啲嘢畀佢哋喺屋企玩，而家我細仔既國際學校有網上課程，每日有功課做，呢方面做得幾好，加上難買口罩，少啲出街可以用少啲，有必要先出街，希望快點平復，我一月到三月所有工作叫停，而家最擔心四月飛唔到出席我二仔大學畢業禮，收入少咗亦擔心經濟。」
問到香港政府是否慢兩拍?她表示：「唔好講大陸、新加坡同澳門所有反應比香港快，希望香港政府採取適當措施要積極，有啲嘢唔好太緩慢，香港人係希望政府可以做到，同借呢個機會多謝前線醫護人員，佢地打緊仗，作為市民每一個人要支持佢，同尊重佢地。」
-----------------------------