達明一派的歌曲不少涉社會議題，黃耀明說：「你唔講政治，政治都會搵上門！我同達明一派揀咗，所以擺喺我哋音樂裏面。」明哥選了以下歌曲比喻現今香港：

《同黨》　【政治騙局】

「《同黨》講政治人物同社會公眾人士，佢哋今日講一套，聽日做另一套，今日應承咗你，聽日佢哋就背叛咗佢哋嘅承諾，我哋每個人多多少少都參與咗呢個騙局。」

《今天應該很高興》　【移民感慨】

「今日香港雖然未有好龐大移民潮，但開始有好多人討論呢個城市，係咪仲適合我哋居住，所以，我覺得今日聽呢首歌，仍然有一種感觸！」

《It's My Party》　【堅守立場】

「香港今年比任何時候，係更加政治化，講緊大家係咪同一個黨、同一個party，究竟今日你嘅立場係乜嘢，或者你企喺邊一面，比以前更加需要清晰抓緊自己嘅立場。」